غلا النـبـهان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
غلا النـبـهان
غلا النـبـهان
::
ـِاْلْأّ قِْـِـ سّـِـِآمْے ـاْلأّجِْتِمآعِـيِّهے
::
عــــالــــم ادم
سوالف متزوجين
+3
سندريلا النبهان
بنت الطنايا
fahed_5
7 مشترك
كاتب الموضوع
رسالة
fahed_5
عضـو مـشآرك
عدد المساهمات
:
215
تاريخ التسجيل
:
15/09/2009
العمر
:
32
نفسيه
موضوع: سوالف متزوجين
الخميس سبتمبر 17, 2009 7:05 am
زوجين متدينين
الزوج : إني أحبك في الله
الزوجة : وانا بعد أحبك في الله استغفرالله من كل ذنب عظيم
الزوج : بكل صلاة ما أنساج من دعائي
الزوجة : بارك الله فيك وجزاك الله خير
الزوج : شكثر تحبيني ؟
الزوجة : عدد ما غرد طير وطار وتعاقب الليل والنهار ودعا داع في الأسحار
الزوج : الله يا سلام على هالكلام ذكرتيني بليالي رمضان
الزوجة : متى نروح العمرة ؟
الزوج : قبل أسبوع كنّا في العمرة !!
الزوجة : عيل نغير نروح المدينة
الزوج : على بركة الله
قبل لا يقومون من القهوة
الزوجة : أبا عبيدة
الزوج : نعم يا أم عبيدة
الزوجة : دعاء كفارة المجلس ( كله حب شكت أم عبيدة )
الزوج : سبحانك الله وبحمدك أشهد أن لا إله إلا أنت استغفرك وأتوب إليك
(2)
زوجين صايعين
الزوج : تصدقين ما حبيت وحده كثرج
الزوجة : وانا بعد حبيت بس مثلك أبد ما حبيت
الزوج : انتي خليتي حياتي كووول
الزوجة : وااي انت ستايل وتهبل تشبه توم كروز
الزوج : تذكرين أول مرة شفتج فيها وين ؟
الزوجة : اي كنت أقز مع سبجوه بالمارينا
الزوج : الله كان أسعد يوم بحياتي
الزوجة : شكثر تحبني ؟
الزوج : كثر جمهور نادي القادسية
الزوجة : ترى ذبحتني بنادي القادسية يلوعون الجبد
الزوج : يا عمري انا أشجع نادي القادسية عشان لونهم يذكرني بضروسج
الزوجة : عيل تدري ليش أنا أشجع نادي العربي ؟
الزوج : ليش ؟
الزوجة : عشان ريحة البصل تذكرني فيك
الزوج : الله عسل عسل دمج شربات
الزوجة : قوم قوم قبل لا أقط الرقم على اللي كاشخ وراك
(3)
زوجين أغبياء ودمهم ثقيل
الزوج : يا حيالله أبو الوجه الصبوحي .. أبو الوجه الصوبوحيي ييي يييي
الزوجه : لا تذكرني بلندن بروحي ودي أسافر لها
الزوج : شكو لندن ؟
الزوجة : هذي مو أغنية عبدالكريم اللي صورها بالـ هايد بارك
الزوج : والله ما أدري بس يسويها عبدالكريم عبدالقادر
الزوجة : ودي أروح لندن وأنت معاي
الزوج : لا والله
الزوجة : شفيك علي اليوم
الزوج : يعني مع منو بالله .. العادة تروحين مع السايق مثلا ؟
الزوجة : لا مو قصدي السايق .. بعدين احنا ما عندنا سايق شلون أروح معاه ؟
الزوج : اللهم طولك يا روح
الزوجة : خلاص خلاص غير الموضوع
الزوج : حبي لج ماله حدود
الزوجة : الله وناسه يعني بدون جوازات وجذي
الزوج : اي ذكرتيني .. أمس رحت دوار الجوازات بجدد جوازي ما لقيت أحد
الزوجة : يا حظي مو بدوار الجوازات
الزوج : مو انتي ذيج المرة قلتي سويتي حادث وودّوج دوار العظام ؟
الزوجة : بصراحة مو متأكدة
الزوج : تدرين إن لازم يسوون دوار بإسمنا انا وياج
الزوجة : الله دوّار حبنا
(4)
زوجين ضغاط
الزوج : تصدقين بيوم عرسنا كنت خايف حدّي !
الزوجة : انا كنت خايفه عليك بعد
الزوج : كنت خايف أبوج يفشّلنا وينجب من البوفيه حق بيتكم
الزوجة : نعم نعم ؟
الزوج : أتغشمر معاج شفيج !
الزوجة : عيل ما شفت أمك واهيا تتعلج خفت عليها يطيح حنجها
الزوج : عاد ما أرضى على أمي
الزوجة : حتى انا ما أرضى أبوي
الزوج : أخوج الكبير بأي محل برْدات مفصّل دشداشته ؟
الزوجة : يمكن بنفس المحل اللي فصلت فيه أختك مو متأكده
الزوج : تذكرين خالتج لابسه كعب ثلاث طوابق
الزوجة : اي تذكرت لما كانت واقفة يم خالتك اللي حاطه حمره تقول شاربه شاني
الزوج : تصدقين أحلى ما فيج بالعرس النفره اللي طالعه بيبهتج
الزوجه : وااي انت تهبل بالشعر اللي طالع من أذونك
الزوج : شرايج نمشي ونكمل سوالف بالطريج ؟
الزوجة : على راحتك حبيبي
(5 )
زوجين أغنياء
الزوج : أقول حبيبتي شرايج بغدانا أمس في فينيسيا ؟
الزوجة : بصراحة القعدة حلوة بس أكلهم مو زود
الزوج : انا بصراحة عجبني أحسن من مطعمنا في روما
الزوجة : انزين انا رايحة باريس تمورو بتسوّق تبي شي من هناك ؟
الزوج : متى بترجعين ؟
الزوجة : ما أدري على حسب يمكن توو دييز وأرجع
الزوج : خذيتي مليونج من أبوج ؟
الزوجة : وييه الله يعافيك روح أخذه ما يمديني
الزوج : عيل بأي حساب بتتسوقين ؟
الزوجة : ما عليه بصرف من حساب خلودي ولدي فيه 300 ألف
الزوج : عاد رديهم له مو تنسين حرام فلوسه يبي يستانس فيهم الولد
الزوجة : انت وين بتروح في هالويكند ماي سويت هارد ؟
الزوج : ودي أروح معاج بس مواعد الوليد بن طلال عازمني على العشا باجر
الزوجة : اوكي انا بسافر بالطياره الرمادية عبّيتها بانزين ؟
الزوج : اي فيها بانزين أكيد وانا بروح باليخت مالي ودي أحدق بطريج الرده
الزوجة : قود نايت حبيبي وسويت دريمز
الزوج : قود نايت ماي سويت هارد
(6)
زوجين صواريخ
الزوجة : ما قلت لك يوم طاحت فينا الطيارة ذيج السنة ؟
الزوج : مرة ثانية ؟
الزوجة : اييي مرة ثانية يوم أمي تعلقت بجناح الطيارة وطارت عبايتها
الزوج : اوف اوف اوف صج والله !!
الزوجة : أمي مسكينة ايدها تعبت وهدت جناح الطيارة
الزوج : وبعديييين ؟
الزوجة : الحمدلله ما صار فيها شي أبوي لحق عليها بالبرشوت
الزوج : الحمدلله والا بغت تروح فيها مسكينة
الزوجة : انا من الخرعة طبيت بدون برشوت وبدون ولا شي
الزوج : وبعدييييييين ؟
الزوجة : لقيت أبوي بالسما مع أمي قلت لهم لحقوني
الزوج : سبحان الله شوف الصدفة
الزوجة : اي انا عقبها حرمت اركب طيارات
الزوج : انا مرة بغيت أموت يوم كنت أسوق سيكل وطحت فيه من الجسر
الزوجة : اسم الله عليك وبعديييين ؟
الزوج : الحمدلله اني طحت على ساعتي ما تعورت
الزوجة : وليش طحت من السيكل ؟
الزوج : انا كنت دايس تقريبا 200 فيوم صعدت الجسر لف السيكل فيني
الزوجة : وبعديييييييين ؟
الزوج : جان أتصل على الاسعاف يمكن بالطيحة أتعور لا سمح الله
الزوجة : هذا وانت طايح من السيكل وتتصل ؟
الزوج : اي وما وعيت والا أدعم الصبّة مالت الجسر وأطيح من فوق
الزوجة : وبعدييييين ؟
الزوج : جان أحط التلفون بمخباتي ولبست ساعتي
الزوجة : جنّه صك علي .. اي كمّل
الزوج : جان طربااااخ وإلا أطيح على ساعتي وتكسرت والا الاسعاف وصلوا
الزوجة : الحمدلله على السلامه
(7)
زوجين صغار
الزوج : تصدقين خلصت المرحلة الأخيرة بهاللعبة ؟
الزوجة : بيييه انا من زمان خلصتها .. ألحين عندي لعبة يديدة
الزوج : أقول دقي على هارديز اطلبي لي هابي ميل
الزوجة : اي حتى انا مشتهية هابي ميل يوزعون معاها لعبة شريك
الزوج : وإذا دق علي حمني البطّه قولي له مو موجود
الزوجة : انزين قوم خل نكمل بلاي ستيشن
الزوج : لحظة متابع حلقة سلاحف النينجا ألحين بتطلع على سبيس تون
الزوجة : شايفتها هالحلقة مو حلوة
الزوج : عاد لاتخربين علي يوم طلع باباي البوكيمون ما خربت عليج
الزوجة : خلاص خلاص لا تزعل بعدين تروح تنادي أمك
الزوج : ترى والله أحاربج من صجي
الزوجة : عطني كبوسي مالي انا شريته
الزوج : يعني نحاسه .. انا أوريج بس يخلص الباباي
(
زوجين شيّاب
الزوج : انا بعرف الدكتور مالي ما يفتهم مدمّغ ؟
الزوجة : هوْهوْهوْ شفيك يا بوصالح أمس تمدحه واليوم تذمّه ؟
الزوج : يا ام صالح الدختر أثولْ ما يفتهم شعرّفه ؟
الزوجة : ألحين صار كودني ما يفتهم ؟ صج منكر حسنه !!
الزوج : ما يدري إن هاللي قاعدة جدامي اهيا علاج السكري والضغط وأمراض الدنيا
الزوجة : يمّه منك عيّار ما تيوز عن سوالفك يا بوصالح
الزوج : انتي لو في منّج وايد جان سوّوهم ابرّ حق المراضى
الزوجة : ذكرتني بأيام أوّل يوم تقص علي في بيت أبوي العود وتغازلني
الزوج : آآآآه يا زينها من أيام
الزوجة : انا كنت أطلطل من الدريشه وإلا أشوف هالحافي العصل المهتمل اللي دخل قلبي من أوّل نظررره
الزوج : ايييي هذا انا عدل عدل .. في السكة مع عيال بن نخّي نعلب تيلْ
الزوجة : شكنت تسوي ما عاد أذكر شي !
الزوج : يوم أدز اختي الصغيرة تقولج غطاوي وانتي طاقتج البوهه
الزوجة : يا علّك شقوووول ذكرتني ' إذا تلّيت حزامه تهلهلت عظامه ' !!
الزوج : وانتي تقولين الجندل شكووووووووو
الزوجة : شعرفني بالغطاوي هوْ غصب ما عرف ما افتهم
الزوج : هذا اللي علقني فيج أكثر
الزوجة : قوم قوم روح يعطونك ابرة السكر الظاهر ارتفع
الزوج : هذا يزاي أتغشمر معاج وألاغيج
الزوجة : يمه منك جمبازي
(9)
زوجين نكته
الزوج : يقولج في مدرس سأل الطلبة اللي غبي يوقف .. جان يوقف واحد سأله المدرس ليش وقفت ؟ قال ما حبيت أشوفك واقف بروحك يا استاذ :>
الزوجة : يعني دمك خفيف ؟ اسمع : في مرة واحد دخل السلك الدبلوماسي تكهرب هاهاهاها
الزوج : يخرب بيت الملاغه سمعي : جلب شوارع مر على مركز شرطة شاف جلب بوليسي قال : آآخ لو مكمل دراستي هههههه
الزوجة : ترى صج صج دمك ثقيل اسمع : في واحد قاعد يطق الديايه مالتهم ليش ؟
الزوج : ليش ؟
الزوجة : يقولها كل يوم بيض كل يوم بيض ما في جبن .. هي هي هي
الزوج : ملاقه جذي ما شفت سمعي : في ياهل عمره ثلاث سنوات قال حق أمه الحامل شنو في بطنج ؟ قالت له : هذا أخوك الصغير ...
الزوجة : هاهاهاهاهاها
الزوج : لحظة ما خلصت يا الغبية !!
الزوجة : اوكي
الزوج : قال لها : تحبينه ؟ قالت له : اي أحبه .. قال لها : عيل ليش بلعتيه ؟
الزوجة : خلصت ؟
الزوج : يالله الحين الناس يضحكون :>
صج قسمة ونصيب
مشكووووريييين
أعجبني
لم يعجبني
بنت الطنايا
عـضو فعـآل
عدد المساهمات
:
308
تاريخ التسجيل
:
11/09/2009
العمر
:
29
مستانسا حدي
موضوع: رد: سوالف متزوجين
الخميس سبتمبر 17, 2009 10:27 am
ههههههههههههه اموتوون من الضحك
تحياتي
مشكوور
أعجبني
لم يعجبني
سندريلا النبهان
عضـو مـشآرك
عدد المساهمات
:
136
تاريخ التسجيل
:
15/09/2009
العمر
:
35
الموقع
:
صـــبـــاحـــيـــه الــــمـــدعـــث
فــــوق الــــنــــخـــل
موضوع: رد: سوالف متزوجين
الخميس سبتمبر 17, 2009 11:51 am
هههههههههههههههه
ثانكس بو خالد
بس انت من اي نووع
مع خالص تحياتي
صباحيه المدعث
أعجبني
لم يعجبني
fahed_5
عضـو مـشآرك
عدد المساهمات
:
215
تاريخ التسجيل
:
15/09/2009
العمر
:
32
نفسيه
موضوع: رد: سوالف متزوجين
الخميس سبتمبر 17, 2009 2:09 pm
انا لي نوع خاص فيني
ههههههههههههه
مشكوووووورين على الردود
أعجبني
لم يعجبني
دلوعة الكويت
عضـو مـشآرك
عدد المساهمات
:
96
تاريخ التسجيل
:
15/09/2009
مستانسه
موضوع: رد: سوالف متزوجين
الخميس سبتمبر 17, 2009 10:22 pm
مشكور على المواضيع روعه هههههههههههههههههههههههه
أعجبني
لم يعجبني
دلوعة الكويت
عضـو مـشآرك
عدد المساهمات
:
96
تاريخ التسجيل
:
15/09/2009
مستانسه
موضوع: رد: سوالف متزوجين
السبت سبتمبر 19, 2009 9:45 am
تحياتي
أعجبني
لم يعجبني
بو مدعث
عضـو مـشآرك
عدد المساهمات
:
140
تاريخ التسجيل
:
14/09/2009
العمر
:
29
موضوع: رد: سوالف متزوجين
الخميس سبتمبر 24, 2009 6:57 am
مشكوووووووووور
انا مو من اي نووع
لني من نوووع فريد
ههههههههههههه
تحياتي يا الغالي لكـ
أعجبني
لم يعجبني
:::Nouf:::
عضـو مـشآرك
عدد المساهمات
:
169
تاريخ التسجيل
:
11/09/2009
العمر
:
34
اسألوا الحبيب عني
موضوع: رد: سوالف متزوجين
السبت سبتمبر 26, 2009 1:10 pm
الحمد لله سوالف عاديه
لوووووووووووووووووووووووووول
يسلمووووووا
أعجبني
لم يعجبني
نبهاني وافتخر
عضـو مـشآرك
عدد المساهمات
:
173
تاريخ التسجيل
:
12/09/2009
العمر
:
34
الموقع
:
منتديات غلا الروح افضل منتدى http://galrooh.com/vb/index.php
غلا الروح
موضوع: رد: سوالف متزوجين
الجمعة أكتوبر 16, 2009 8:41 pm
انا وله نوع راح ااتزوج
في نوع جديد
بس ماراح اقولك اذا تبي تعرف دف عليه
أعجبني
لم يعجبني
سوالف متزوجين
صفحة
1
من اصل
1
صلاحيات هذا المنتدى:
لاتستطيع
الرد على المواضيع في هذا المنتدى
غلا النـبـهان
::
ـِاْلْأّ قِْـِـ سّـِـِآمْے ـاْلأّجِْتِمآعِـيِّهے
::
عــــالــــم ادم
غلا النـبـهان
::
ـِاْلْأّ قِْـِـ سّـِـِآمْے ـاْلأّجِْتِمآعِـيِّهے
::
عــــالــــم ادم
انتقل الى:
اختر منتدى
|
|--:: الأقسام الــعــامــة ::
| |--الترحيب والمناسبات
| |--استراحه النبهان
| |--ألـ ع ـب وأتـ ع ـب
|
|--الفن
| |--اخبار الفنانين
| |--صور الفنانيين
|
|--ـِاْلْأّ قِْـِـ سّـِـِآمْے ـاْلأّجِْتِمآعِـيِّهے
| |--بــنــات حـــواء
| | |--المطبخ
| | |--ازياء ومكياج
| |
| |--عــــالــــم ادم
|
|--ـِاْلْأّ قِْـِـ سّـِـِآمْے ـاْلأّدّبِـِيّهّے
| |--ملتقى القصص والروايات
| |--ملتقى الشعر والنثر
|
|--الآقسـآم الآكترونـيه
| |--ركن الماسنجر
| |--ألـبـوم الـصــــور
| |--الجرافيكس والتصميم
| |--معرض الـ YouTube
|
|--الآقسـام الريآضيه
|--الكره الكويتيه
|--الكره الخليجيه والعربيه
|--الكره الاوربيه والعالميه