السناعيس

ياجاهل ٍ بالمعرفه ألعن إبليس ** ولا على راسـك تـدور المصايـب

حنا الطنايا كاسبين النواميـس ** حنـا الطنايـا كاسبيـن العصايـب

حنا نحل مشربكـات اللواليـس ** حنـا الطنايـا متعبيـن الركايـب

يوم همك بالغناء والمراويس ** حنـا لنـا بالمجـد حـق وطلايـب

حنا قروم المجد حنا السناعيس ** المجـد مـع دم الشراييـن ذايـب

تزهر بسامينا بياض القراطيـس ** وبوجودنـا يستبشـرن السحايـب

ارزاقنا ماهي بغش ٍ وتدليـس ** يـوم ً علـم مـورد الخـد خايـب

وش عاد لو قالوا يدينا مفاليس ** الرزق عنـد اللـي يديـر الهبايـب

وأقدامنا عدت وعاد التظاريس ** واجباهنـا تعشـق سمـوم اللهايـب

وصدورنا تغلي هموم وهواجيس ** لاطوحنّ بالصوت شقر الذوايـب

لعيون خدرات العيون النواعيس ** نارد حياض الموت والخوف غايب

وليا جبرنا العظم نظبط له القيس ** وليا كسرنا العظم ماهـو بطايـب

وهبة من الله ماخذيناها بتدريس ** سبحان قسـام العطـاء والوهايـب
[b][i]

يسلم راسك