ياحـرف شعـري دون المضمـون حـي الله نـبـاك
في قالـب التجديـد جيـش الفكـر رهـن اشارتـك
أنثر / غلا / لاجل الملا / ولا فـلا / تبحـث خفـاك
دامك سما / بـل الضمـا / بأفكـار طيفـن زارتـك
خاطب / عقل ينفي / الخجل / روح الامل / نور سماك
لـو يظًلـم أستحـث الخيـول اللـي تنجـد غارتـك
علم / فتى / إلى متى / ضد وعتـى / وأكبـح أسـاك
لاني أنا / ضـد الانـا / ونفسـي عزيـزه شارتـك
على وعسى / عقب الاسى / وإن مانسى / خيب رجاك
دون أجبره / دم أكبـره / فالطيـب خطـوه سارتـك
مايعلـن أستـنـزاف حـرفـي بالجزيـلـه ذا وذاك
غير الهنوف اللي عيـون الغيـد مـن هـي غارتـك
خاطبت فكري مطلع ابياتـي عشـان اسـرح معـاك
في روعـة التصويـر قمـة مامضـى / لحضارتـك
يامملكـة بلقيـس ياعـرش الحسـن روحـي فـداك
شوفـي خيالـي تارتـن حولـي ومــره تـارتـك
في بحر أحساسك جمعت الشوق وأطموحـي رضـاك
لانـك جمعـت الضـد فـي ابيـات شاعـر جارتـك
مهمها وصفتك ما أنوضح عند المـلا روعـة حـلاك
دام العقـل يحتـار فعـقـول الخـلايـق حـارتـك
ماكان وصفـي مـن خيـال إلا حقيقـه يـوم جـاك
سلطان فكـري فـي مـدى أفـلاك الليالـي دارتـك
فيكفيني أنك من روى أحساس العطاشـا حلـو مـاك
ويكفيـك روحـن كلمـا تطـري عليهـا انهـارتـك
الله جمع فيـك الوصـوف النـادره وأسخـى عطـاك
حتـى أبتساماتـك لحـن تعـزف سحـر قيثـارتـك
ساعتك / عطرك / قصتك / تسريحتك / ممشى خطاك
حلقتـك / فستانـك / مـع سلسالـك / ونظـاراتـك
حمرتـك / مكياجـك / كماليـت حسنـك / يامـلاك
لؤلؤك / ياقوتك / ذهبـك / اللماسـك / أكسسوارتـك
روعتك/ طيبك /عفتك / شخصيتـك / تضفـي بهـاك
حتى نجـوم الليـل تحلـم يـوم تصبـح / جارتـك
يعني أحبك / لا / لاني صـرت انـا اتنفـس هـواك
من فـوق علـو الغيـم روحـي بالامـاره طارتـك
حلقـت بأحسـاس الجمـوع اللـي يحقـق مبتغـاك
ونسجت من حلـو القصيـد خطـاب لجـل أيمارتـك
وشلون أنا ماغليك / يا.../ لك الله مايبين لي غـلاك
وأنـتِ العـذارى كلهـم بالحسـن تحـت ايـدارتـك
في أخـر الابيـات يبقـى سـر مـن حلمـه وفـاك
كانـك تبينـه حـط قلبـه دوم رهــن اشـارتـك